“Real” klubi bosh murabbiyi Zinedin Zidan “Bavariya”ga qarshi uchrashuv oldidan o‘z fikrlarini bildirib o‘tdi. Fransiyalik mutaxassis ertangi o‘yindagi natija uning kelajagiga bog‘liq emasligini aytib o‘tdi.
“Iste’fo? Bu YECHLda g‘olib bo‘lishimiz yoki bo‘lmasligimiz bilan bog‘liq emas. Shunchaki, o‘z ishimni davom ettirmoqchiman.
Ha, klubimda faoliyat olib borayotganimdan faxrlanaman. Men uchun hozir bu kabi faktorlar muhim emas.
Meni ko‘proq ertaga “Bavariya” bilan qanday o‘ynashimiz qiziqtirmoqda. Qolganlari haqida esa hozir hech narsa deya olmayman”, — dedi Zidan.
