“Реал” клуби бош мураббийи Зинедин Зидан “Бавария”га қарши учрашув олдидан ўз фикрларини билдириб ўтди. Франциялик мутахассис эртанги ўйиндаги натижа унинг келажагига боғлиқ эмаслигини айтиб ўтди.

“Истеъфо? Бу ЕЧЛда ғолиб бўлишимиз ёки бўлмаслигимиз билан боғлиқ эмас. Шунчаки, ўз ишимни давом эттирмоқчиман.

Ҳа, клубимда фаолият олиб бораётганимдан фахрланаман. Мен учун ҳозир бу каби факторлар муҳим эмас.

Мени кўпроқ эртага “Бавария” билан қандай ўйнашимиз қизиқтирмоқда. Қолганлари ҳақида эса ҳозир ҳеч нарса дея олмайман”, — деди Зидан.