O‘zbekiston futbol assosiasiyasi yurtimizda malakali murabbiylarni tayyorlash, ularning saviyasini muntazam ravishda oshirib borish maqsadida yurtimizning barcha viloyatlarida OFK va O‘FAning murabbiylik lisenziyalariga ega mutaxassislarning kasbiy malakasini aniqlash bo‘yicha seminarlar tashkil qilayotganidan futbol muxlislarining xabarlari bor.
Qoraqalpog‘iston Respublikasining Nukus shahrida murabbiylar uchun navbatdagi seminar tashkil qilindi. Ushbu seminarda Qoraqalpog‘istonning sport muassalarida faoliyat olib borayotgan murabbiylar, Qoraqalpog‘iston Respublikasi futbol assosiasiyasining vakillari ishtirok etishmoqda.
Seminar davomida murabbiylar tayyorlash bo‘yicha dastur xaqida batafsil tushuntirish ishlari olib borildi. Shuningdek, futbol bilan bog‘liq yangiliklar, o‘zgarishlar va qarorlar, yangi tashkil etilayotgan futbol akademiyalari xaqida ma’lumotlar berildi.
Nukus olimpiya zaxiralari kollejining majlislar zalida tashkil etilayotgan ushbu seminarni O‘zbekiston futbol assosiasiyasining murabbiylar tayyorlash bo‘limi boshlig‘i Shovkat Imamov olib bormoqda.
19 iyundan 21 iyun kuniga qadar amaliy imtihonlar bo‘lib o‘tadi.