O‘zbekiston futbol assosiasiyasi mutaxassislari tomonidan Qoraqalpog‘istonning Nukus shahrida OFK va O‘FAning murabbiylik lisenziyalariga ega mutaxassislarning kasbiy malakasini aniqlash bo‘yicha seminarlar tashkil qilinayotgani haqida avval xabar berib o‘tgandik.
Ushbu seminarda qoraqalpog‘istonlik O‘FA va OFK sertifikatlariga ega bo‘lgan murabbiylar ishtirok etishmoqda. Seminar davomida murabbiylarning nazariy va amaliy bilimlari sinovdan o‘tkaziladi.
Hozirda ushbu seminar nihoyasiga yetib navbat amaliy mashg‘ulotlar va imtihonlarga yetib keldi. Amaliy mashg‘ulotlar davomida murabbiylar maydonni mashg‘ulotga tayyorlash, mashg‘ulot davomida bolalarga ko‘rsatmalar berib borish usullari, murabbiyning mashg‘ulot davomida o‘zini tutishi, futbolchilarning mashg‘ulotdagi xatolarini ko‘rsatish va o‘sha xatoni to‘g‘irlash borasida amalga oshiradigan xatti-harakatlari bo‘yicha ishlar olib boriladi.
Imtihonlar 21 iyun kuniga qadar bo‘lib o‘tadi.
