JCH-2018 V guruhida Ispaniya terma jamoasi Marokash bilan to‘qnash keldi. Pley-offga chiqish imkoniyatini boy bergan Marokash ispanlardan ochko tortib olishdi.

Uchrashuvda hisobni Marokash terma jamoasi futbolchisi Butaib 14-daqiqada kiritildi. Butun o‘yin davomida jamoalar juda ham qo‘pol o‘yin namoyish qilishdi. Oradan 5 daqiqa o‘tib Isko muvozanatni tezda tenglashtirib oradagi farqni yo‘qqa chiqardi. Marokashliklar ushbu o‘yinda munosib harakat qilishib Ispaniya terma jamoasini qiyin ahvolga solib qo‘yishdi.

81-daqiqada En-Nesiri Marokashni yana oldinga olib chiqdi. Aspasning 90-daqiqada kiritilgan goli offsayddan kiritilgan deyilgan edi, biroq Ravshan Ermatovning VAR tizimiga murojaatidan so‘ng gol inobatga olinib hisob 2:2 ko‘rinishiga keldi. Shu hisob o‘zgarmasdan qoldi va Ispaniya 5 ochko jamg‘argan holda Rossiya bilan 1/8 finalda to‘qnash keladi.

JCH-2018 V guruhi

Ispaniya – Marokash 2:2 (1:1, 1:1)

Gollar: 0:1 – 14 Butaib, 1:1 – 19 Isko, 1:2 – 81 En-Nesiri, 2:2 – 90 Aspas.

Ispaniya – De Xea, Pike, Alba, Karvaxal, Ramos, Buskets, Alkantara (Asensio, 74), Inyesta, Silva (Rodrigo, 84), Isko, Diyego Kosta (Aspas, 74).

Marokash – Mohamedi, Dirar, da Koshta, Xakimi, Bussufa, Belxanda (Fajr, 63), Saiss, Ziyesh (Buxadduz, 85), El-Axmadi, Amrabat, Butaib (En-Nesiri, 71).

Ogohlantirishlar: El-Axmadi (21), Amrabat (29), Bussufa (31), da Koshta (31), Moxamedi (89), Xakimi (90).