O‘zbekiston futbol assosiasiyasi tomonidan yurtimizda futbol bilan birgalikda futzalni ham rivojlantirish uchun bir qator chora-tadbirlar amalga oshirilmoqda.
Jumladan, futzal bo‘yicha O‘zbekiston milliy terma jamoasining mashg‘ulot va yig‘inlar o‘tkazishi, xalqaro musobaqalarda ishtirok etib, tajriba to‘plashi uchun barcha sharoitlar yaratib berilyapti.
Shu yilning 20-23 oktyabr kunlar Taylandda futzal bo‘yicha "Thailand 5 Futsal Tournament 2018" musobaqasi bo‘lib o‘tadi. O‘zbekiston milliy terma jamoasi mazkur Xalqaro musobaqada ishtirok etadigan bo‘ldi.
Musobaqada O‘zbekistondan tashqari Tayland, Xitoy va Mozambikning futzal bo‘yicha milliy terma jamoalari ham ishtirok etishadi.
