Jahon chempionatining nimchorak finalidan o‘rin olgan Urugvay – Portugaliya uchrashuvi yakuniga yetdi. Uchrashuvda Urugvay terma jamoasi Edinson Kavanining dubli evaziga g‘alabani rasmiylashtirib, chorak finalga yo‘llanma oldi.
O‘yinga kelsak, Kavani Suaresning uzatmasidan so‘ng bosh bilan tezkor gol urishga muvaffaq bo‘ldi. Birinchi bo‘limda Portugaliya raqib darvozasi oldidan hech qanday hujum uyushtira olmadi.
Ikkinchi bo‘limda burchak to‘pidan oshirilgan to‘rni Pepe bosh bilan zarba yo‘llab, golga aylantirdi. Ammo himoya chizig‘i kuchsiz bo‘lgan portugaliyaliklarni Kavani qarshi hujumda jazoladi.
O‘yin so‘ngiga qadar portugaliyaliklar mag‘lubiyatdan qutulish uchun bir nechta hujumlar uyushtirishdi, biroq bugunning o‘zida dunyoning eng yaxshi futbolchilari hisoblanmish Ronaldu va Messi uchun 2018 yilgi jahon chempionati alamli tarzda yakunlandi.
Urugvay – Portugaliya 2:1.
Gollar: Kavani (7, 62) – Pepe (55).
Urugvay – Muslera, Godin, Ximenes, Kaseres, Nandes (Sanches, 81), Laksalt, Bentankur (Rodriges, 63), Torreyra, Vesino, Kavani (Stuani, 74), Suares.
Portugaliya – Ruy Patrisiu, Pepe, Gerreyru, Rikardu Pereyra, Fonte, Adriyen Silva (Kuarejma, 65), Vilyam Karvalyu, Gonsalu Gedesh (Andre Silva, 74), Bernardu Silva, Joau Mariu (Fernandesh, 85), Ronaldu.
Ogohlantirish: Ronaldu (90).
