«Manchester Yunayted» bosh murabbiyi Joze Mourinyu Rossiyada o‘tayotgan jahon chempionatidan olayotgan taassurotlari bilan o‘rtoqlashdi.

«Menga faqat bir narsa yoqmayapti — futbolchilar va murabbiylarning videotakrorlarga munosabati. Barcha maydondagi hakam va VAR bo‘yicha mutaxassisni hurmat qilishi lozim. Bosh hakamning qarorini videotakrorlar orqali tekshirishni talab qilayotgan har bir futbolchi sariq kartochka bilan jazolanishi lozim. Shu narsa mening jahlimni chiqarmoqda.

Katta jamoalarning musobaqani tark etayotgani — bu ajoyib. Bu shuni ko‘rsatadiki, futbol — jamoaviy o‘yin. Terma jamoalar yulduzlarga qaram bo‘lib qolmasliklari kerak», – dedi Mourinyo.