Xorvatiya poytaxi Zagreb shahrida sport kurashlari bo‘yicha o‘smirlar o‘rtasida jahon chempionati davom etmoqda. Erkin kurash bo‘yicha bellashuvlarda -55kg vazn toifasida yurtimiz sharafini himoya qilayotgan Jamshid Marufov Isroil (10:0), Armaniston (sof g‘alaba), Rossiya (10:0) va Italiya (5:4) mamlakatlaridan tashrif buyurgan raqiblarini mag‘lub etib finalga yo‘l olganligi haqida xabar berib o‘tgandik. Hamyurtimiz hal qiluvchi jangda yaponiyalik Xayyato Fujitaga qarshi kurash olib bordi va raqibidan 4:3 hisobida ustun keldi. Ushbu g‘alaba yosh polvonimizga jahon chempionatining oltin medalini taqdim etdi.

Milliy olimpiya qo‘mitasi ushbu muvaffaqiyat bilan O‘zbekiston sport kurashlari assosiasiyasi, sportchimiz va murabbiylarimizni tabriklaydi.