O‘zbekiston futbol assosiasiyasi yurtimizda faoliyat ko‘rsatayotgan murabbiylarning saviyasini muntazam ravishda oshirib borish yo‘nalishida bir qator chora-tadbirlarni amalga oshirishda davom etadi. O‘FA mutaxassislari tomonidan yurtimizning turli viloyatlarida OFK va O‘FAning murabbiylik lisenziyalariga ega mutaxassislarning kasbiy malakasini aniqlash bo‘yicha seminarlar Toshkent viloyatida tashkil qilindi.
Toshkent viloyatida tashkil qilingan seminarda murabbiylik bilan shug‘ullanuvchi futbol mutaxassislari ishtirok etishmoqda. Seminarning dastlabki kunida barcha murabbiylardan bilim va ko‘nikmalari bo‘yicha imtihon olindi. bugundan esa amaliy imtihonlarga navbat berildi.
Imtihonlar natijalari ko‘ra, murabbiylik faoliyati bilan shug‘ullanish talabiga javob bermaydigan mutaxassislar tegishli murabbiylik sertifikatlari va lisenziyalaridan mahrum qilinadi.
Seminarni O‘zbekiston futbol assosiasiyasining murabbiylar tayyorlash bo‘limi boshlig‘i Shovkat Imamov olib bormoqda.
