O‘zingizga ma’lum, ertaga 13 iyul juma kuni Qarshidagi “Markaziy” stadionida Superliganing qoldirilgan 14 uchrashuvi bo‘lib o‘tadi.

Unda “Nasaf” Navoiy shahrining “Qizilqum” jamoasini qabul qiladi. Uchrashuv soat 21:00da boshlanadi.

Uchrashuv boshlanishiga bir soat qolganda, ya’ni 20:00dan boshlab muxlislar uchun konsert dasturi taqdim etiladi. Tanaffus paytida esa, lotereya o‘yini o‘tkaziladi. Bunda baxtli chipa sohiblari MDC smartfonlariga ega bo‘lishlari mumkin. Eslatib o‘tamiz, klubimiz marketing bo‘limi MDC brendi bilan o‘zaro hamkorlikni yo‘lga qo‘ygan.

“Nasaf” – “Qizilqum” uchrashuvi chiptalari bugun 12 iyul kuni soat 15:00dan boshlab, stadionimiz chiptaxonalari orqali sotuvga chiqariladi. Chipta egalari stadionga tashrifi payti chiptaning o‘ziga qaytarilgan bo‘lagini tashlab yubormasliklarini so‘raymiz.

Uchrashuvga chiptalar xarid qiling, “Markaziy”ga tashrif buyurib, yaxshi dam oling hamda yutuqga ega bo‘ling.

“Nasaf” PFK marketing bo‘limi