“Real” hujumchisi Karim Benzema faoliyatini “Milan”da davom ettirishi mumkin.

Ma’lum bo‘lishicha, o‘tgan xafta “rossenerlar” vakilli Lyudovik Fattisso, Milanello bazasida fransiyalik futbolchining agenti bilan muzokara olib borgan. Ushbu uchrashuvda, “Milan” bosh murabbiyi Jennaro Gattuzo va sport direktor Massimiliano Mirabelli ishtirok etgan.

Uchrashuv davomida, Gattuzo Benzamani “Milan”ga o‘tishga ko‘ndirgan. Benzema bu taklifga rozilik bergan.

Italya klubi, Benzemaga “Real”da qancha olsa shunday miqdorda maosh berishga tayyor. Benzema “Milan”da yilliga 9 mln maosh olishi mumkin. Qo‘shimcha mukofot sifatida, fransiyalik futbolchi 3 mln yevro oladi.

Benzemaning “Real” bilan amaldagi shartnomasi 2020/21 mavsumgacha belgilangan. “Milan” fransiliyak futbolchi bilan 2022 yilgacha shartnoma imzolashga tayyor.