"Rostov" Rossiya Premyer-Ligasining birinchi turida "Axmat"ni yengdi. Rostove-na-Donudagi "Rostov Arena" stadionida kechgan uchrashuv mezbonlarning 1:0 hisobidagi g‘alabasi bilan yakunlandi.
O‘yindagi yagona gol rostovliklar jamoasining islandiyalik hujumchisi Byorn Sigurdarson tomonidan urildi, u birinchi bo‘limga qo‘shib berilgan daqiqalar davom etayotgan vaqtda Sergey Parshivlyukning uzatmasini boshi bilan darvozaga joyladi.
O‘yinning ikkinchi bo‘limida Valeriy Karpin jamoasida zaxiradan maydonga O‘zbekiston terma jamoasi hujumchisi Eldor Shomurodov tushirildi.
RPLning ikkinchi turida «Rostov» Moskvaning SSKA klubi mehmoni bo‘ladi, "Axmat" o‘z uyida "Enisey" bilan o‘ynaydi. Ikki uchrashuv ham 5 avgust kuniga belgilangan.
Birinchi tur doirasidagi boshqa o‘yinlarda "Anji" safarda "Ural"ni yengdi (1:0), "Spartak" o‘z maydonida "Orenburg"dan ustun keldi (1:0).
Rossiya chempionati
1-tur
Rostov – Axmat 1:0 (1:0, 0:0)
Gol: 1:0 – 45 Sigurdarson.
Rostov – Abayev, Ingason, Sigurdsson, Vilyush, Parshivlyuk, Kalachev (Guliyev, 69), Gaskan, Skopinsev (Mirzov, 63), Ionov, Yusupov, Sigurdarson (SHomurodov, 75).
Axmat – Gorodov, Usiyev, Semenov, Anxel, Moxammadi, Shves, Dumbiya, Roshi, Ismael (Musalov, 79), Berisha (Ivanov, 82), Sadayev (Pliyev, 28).
Chetlatish: Semenov (25).
