O‘zbekiston Superligasi  20-turi doirasidagi markaziy bahs, Toshkent «derbi»si o‘z poyoniga yetdi. «Paxtakor» hamda «Lokomotiv» o‘rtasidagi uchrashuv kutilganidek qiziqarli tarzda kechdi va muxlislar 90 daqiqa davomida zerikib qolishmadi.

Har ikki jamoa galma-gal hujumlar bilan o‘yinni boshlashdi, ammo vaziyatlarni yakunlashdi ikki tomonda ham oqsash kuzatildi.

O‘yindagi ilk gol 45-daqiqada Tiago Bezerra tomonidan kiritldi. Mazkur vaziyatda Vladimir Kozak tomonidan yetkazib berilgan to‘pni braziliyalik futbolchi boshi bilan darvozaga joylab qo‘yli.

Ikkinchi bo‘lim ssenariysi biroz o‘zgardi. Birinchi taymdan farqli o‘laroq «Paxtakor» asosiy e’tiborini mudofaaga qaratib, qarshi hujumlarda raqibni jazolashga intildi. O‘z navbatida «Lokomotiv» asosiy e’tiborini hisobni tenglashtirishga qaratib, hujumlar sonini oshirdi.

«Sherlar»da qarshi hujumlarda bir-necha yaxshigina imkoniyat bo‘lishiga qaramay, foydalana olishmadi. «Temiryo‘lchilar» esa ketma-ket o‘zgarishlar natijasida o‘z maqsadiga erishishdi.

Zaxiradan maydonga tushgan Husniddin G‘ofurov 86-daqiqada hisobni tenglashtirishga muvaffaq bo‘ldi va uchrashuv 1:1 hisobida o‘z poyoniga yetdi.

SUPERLIGA. 20-TUR.

«PAXTAKOR» - «LOKOMOTIV» - 1:1 (1:0)

Gollar: Tiago Bezerra (45) - Husniddin G‘ofurov (86).

Paxtakor: E.Suyunov, V.Kozak, SH.A’zamov, M.Simich, A.SHorahmedov, D.Rahmatullayev, A.Ahmedov, J.Masharipov (J.YAxshiboyev, 76), D.CHeran, T.Bezerra, I.Gonsalvesh (B.Abdurahimov, 82).

Lokomotiv: I.Nesterov, K.Maxaradze, S.Abdullayev, I.Aliboyev, M.Bikmayev, T.Abduxoliqov (S.Rashidov, 66), S.Mirzayev (S.SHoahmedov, 59), I.To‘xtaxo‘jayev, O.Zoteev, A.Ismoilov (H.G‘ofurov, 71), I.Yelich.