Otabek G‘ulomxo‘jayev O‘zbekiston U-17 terma jamoasiga mas’ul etib tayinlangani xaqida ma’lumot berib o‘tgan edik.
Otabek G‘ulomxo‘jayev O‘zbekiston U-17 terma jamoasi tarkibini shakllantirish uchun nomzod futbolchilarni kuzatish ishlarini boshlab yuborib, 150 nafardan ziyod iqtidorli futbolchilar ro‘yxatini hamda yil yakuniga qadar bo‘lgan ish rejasini O‘FAga taqdim etgan edi.
Yuqoridagi ish rejaga asosan, murabbiy yosh futbolchilarni saralab olishi uchun Toshkent shahrida yig‘in tashkil qilinadi. Ushbu yig‘in ikki bosqichda o‘tkazilib, har bir bosqichda 25 nafardan futbolchi nazoratdan o‘tkaziladi. Yig‘in 5 avgust kunidan boshlanib, 14 avgust kuniga qadar davom etadi. Yosh futbolchilar “Bunyodkor” akademiyasi stadionlarida mashg‘ulot o‘tkazib, “Chig‘atoy” sport bazasida yashashadi.
