Bugun, Milliy Olimpiya qo‘mitasida o‘tkazilgan tadbirda Bosh vazir o‘rinbosari Aziz Abduhakimov delegasiya bayroqdori Isroil Madrimovga tantanali ravishda O‘zbekiston Respublikasining davlat bayrog‘ini topshirdi.
“Ushbu katta va mas’uliyatli vazifa menga topshirilganidan xursandman. Sharafli vazifani qo‘ldan kelganicha oltin medal bilan oqlashga harakat qilaman. Menda oltin medalni qo‘lga kiritishim uchun yetarlicha motivasiya bor. Chunki, oldingi Osiyo o‘yinlarida finalgacha yetib borib, kumush medalni qo‘lga kiritgandim. Endi uni oltinga aylantiraman. Indoneziyadagi musobaqada barcha sportchilarimizga omad tilayman”, – dedi Isroil Madrimov.
