Бугун, Миллий Олимпия қўмитасида ўтказилган тадбирда Бош вазир ўринбосари Азиз Абдуҳакимов делегация байроқдори Исроил Мадримовга тантанали равишда Ўзбекистон Республикасининг давлат байроғини топширди.
“Ушбу катта ва масъулиятли вазифа менга топширилганидан хурсандман. Шарафли вазифани қўлдан келганича олтин медаль билан оқлашга ҳаракат қиламан. Менда олтин медални қўлга киритишим учун етарлича мотивация бор. Чунки, олдинги Осиё ўйинларида финалгача етиб бориб, кумуш медални қўлга киритгандим. Энди уни олтинга айлантираман. Индонезиядаги мусобақада барча спортчиларимизга омад тилайман”, – деди Исроил Мадримов.
