O‘zbekiston futbol assosiasiyasi bolajonlar yozgi ta’tilni maroqli va mazmunli o‘tkazishlarini ta’minlash maqsadida O‘zbekiston kasaba uyushmalari federasiyasi bilan hamkorlikda har bir viloyatda “Yoz – o‘tmoqda soz” shiori ostida futbol festivallarini tashkil etishga qaror qilgani haqida avval xabar berib o‘tgandik.
Ushbu shior ostidagi mini futbol musobaqalari bu safar Sirdaryo viloyatida joylashgan "Zomin" bolalar sog‘lomlashtirish oromgohida tashkil qilindi. Musobaqada bolalar 6 ta jamoaga bo‘lingan holda baxslarga kirishishdi. Musobaqa so‘ngida g‘olib jamoa va barcha qatnashchilarga O‘zbekiston futbol assosiasiyasi tomonidan faxriy yorliqlar va esdalik sovg‘alar topshirildi.
