O‘zbekiston Respublikasi Prezidentining PQ-3610-sonli “Futbolni yanada rivojlantirish chora-tadbirlari to‘g‘risida”gi qaroriga asosan tashkil qilingan hududiy bolalar va o‘smirlar futbol akademiyalariga qabulning ikkinchi bosqichi bo‘lib o‘tayotganidan futbol ixlosmandlarining xabarlari bor.
Samarqand, Surxondaryo, Navoiy, Andijon, Toshkent, Jizzax Sirdaryo Namangan, Farg‘ona va Xorazm viloyatlari hamda Toshkent shahri hududiy bolalar va o‘smirlar futbol akademiyalariga qabul boshlangani haqida xabar berib o‘tgan edik.
Bugunga kelib respublikamizning barcha hududlari bo‘ylab 2 bosqich qabul imtihonlari bo‘lib o‘tmoqda. 2-bosqich imtihonlari 4 ta yo‘nalish bo‘yicha tashkil qilinadi. Qoraqalpog‘iston Respublikasi, Qashqadaryo va Buxoro viloyatlarining hududiy bolalar va o‘smirlar futbol akademiyalari ham qabul jarayonini boshladi.
Sinov jarayonlari shaffof tarzda o‘tishini ta’minlash maqsadida O‘zbekiston futbol assosiasiyasi vakillari nazorati o‘rnatilib, jarayonlar videotasvirga olinmoqda. OAV vakillari tomonidan qabul jarayonlari kuzatilib, voqealar rivoji yoritib borilmoqda.
