Bugun Pepsi Superliganing 21-turi doirasidagi Namanganning “Navbahor” va Buxoroning “Buxoro” klublari o‘rtasidagi uchrashuvdan oldin har ikki jamoa vakillari o‘rtasida yig‘ilish bo‘lib o‘tdi.
Unda bo‘lajak bahsni yaxshi tashkil qilishda yordam beradigan turli masalalar o‘yin komissari Baxtiyor Namozov hamda har ikki klub vakillari tomonidan muhokama qilindi.
Unga ko‘ra, “Navbahor” bugungi o‘yinda qizil rangli libosda maydonga tushadigan bo‘ldi. Buxoroliklar esa to‘q ko‘k rangli libosdan foydalanishadi.
Eslatib o‘tamiz, “Navbahor” – “Buxoro” klublari o‘rtasidagi uchrashuv bugun Namangandagi “Markaziy” o‘yingohda soat 20:30da boshlanadi.
“Navbahor” PFK matbuot xizmati.
