Бугун Pepsi Суперлиганинг 21-тури доирасидаги Наманганнинг “Навбаҳор” ва Бухоронинг “Бухоро” клублари ўртасидаги учрашувдан олдин ҳар икки жамоа вакиллари ўртасида йиғилиш бўлиб ўтди.
Унда бўлажак баҳсни яхши ташкил қилишда ёрдам берадиган турли масалалар ўйин комиссари Бахтиёр Намозов ҳамда ҳар икки клуб вакиллари томонидан муҳокама қилинди.
Унга кўра, “Навбаҳор” бугунги ўйинда қизил рангли либосда майдонга тушадиган бўлди. Бухороликлар эса тўқ кўк рангли либосдан фойдаланишади.
Эслатиб ўтамиз, “Навбаҳор” – “Бухоро” клублари ўртасидаги учрашув бугун Намангандаги “Марказий” ўйингоҳда соат 20:30да бошланади.
“Навбаҳор” ПФК матбуот хизмати.
