"Metallurg" – "Qizilqum" uchrashuvidan so‘ng mezbonlar ustozi Andrey Shipilov quyidagicha fikr bildirdi:
- Bugun har ikkala jamoa ham ochko qo‘lga kiritish maqsadida maydonga chiqqan edi. Bizning jamoamiz ikkita ajoyib gol kiritishga muvaffaq bo‘ldi. Ayniqsa, Zohid Abdullayevning kiritgan goli juda chiroyli chiqdi, nazarimda. Eng muhimi – 3 ochko qo‘lga kiritildi. Endi asosiy e’tiborni kelasi tur o‘yiniga qaratamiz. Zero tez orada jamoalar musobaqa jadvalidagi o‘rniga qarab saralanadi. Shu sababdan keyingi bahsga ham jiddiy tayyorlanmasak bo‘lmaydi, - dedi mutaxassis.
