Yaqinda «PSJ» va Braziliya terma jamoasi hujumchisi Neymar reklama roligida suratga tushdi va o‘ziga bo‘lgan tanqidlarga javob berdi.
Yarim daqiqalik videoda futbolchi JCH-2018da nimalarni boshidan kechirganini aytib berdi. O‘zining simulyasiyalarini u «maydondagi standartlar» deb atadi.
Ko‘pchilik ekspertlarning fikricha, Braziliya terma jamoasi JCH-2018ning favoritlaridan biri edi. Bunday fikrga borilishida jamoa tarkibida Neymarning borligi ham asos qilib ko‘rsatildi. Chorak finalda Belgiyadan qabul qilingan mag‘lubiyat ko‘plab e’tirozlarga sabab bo‘ldi. Voqealar markazida esa «PSJ» hujumchisi qoldi.
Braziliya terma jamoasining beshta o‘yinida Neymar ikki bor raqib darvozasini aniq nishonga oldi. Biroq u o‘zining simulyasiyalari bilan esda qoldi. OAVning hisob-kitobiga ko‘ra, futbolchi maydonda yotgan holda deyarli 14 daqiqa o‘tkazdi.
Bundan nafaqat muxlislar, balki futbol olamining professionallari ham norozi bo‘lishdi. Xususan, argentinalik afsona Diyego Maradona hujumchi maydonda qanday rol bajarishi lozimligini bilib olishi kerakligini aytdi.
«Kimdir Neymarga bir qarorga kelishini aytishi kerak: u hammmani kuldirsin yoki yig‘latsin. Meksika terma jamoasi a’zosi unga urilib ketganida, yig‘lab yuboray dedim. Lekin o‘sha epizoddan keyin Neymarning maydonda yugurib yurganini ko‘rib, kulgim qistadi», - dedi Maradona Marca nashriga bergan intervyusida.
Braziliya terma jamoasining mundialda o‘tkazgan oxirgi o‘yiniga bir necha hafta bo‘ldi. Lekin Neymarga nisbatan tanqidlar hali to‘xtagani yo‘q. Natijada u barchasiga javob berishga qaror qildi. Futbolchi o‘z homiylaridan biri bilan videorolik tayyorladi. Unda braziliyalik futbolchi ba’zi paytlarda haqiqatan ham simulyasiya ishlatganini tan oldi.
«Shiplar bilan zarba berishadi. Belimdan itarishadi. Oyoqlarini qo‘yib olishadi. Siz reaksiyam oshirib yuborilgan, deb o‘ylaysizmi. To‘g‘ri, ba’zida shunday bo‘ladi. Lekin aslini olganda, men maydonda azoblanaman. Nimalarni boshdan kechirishimni xayolingizga keltirmaysiz.
Siz tez-tez yiqilishimga e’tibor qaratasiz. Aslida esa men yiqilmayman...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
