«Real Madrid»ni oldinda odatdagidan biroz boshqacha mavsum kutmoqda. Har holda, «Qirollik klubi»da yangi bosh murabbiy ish boshladi, Florentino Peresning kadrlar siyosati nisbatan o‘zgardi, qolaversa, jamoa ko‘p yillik chin yetakchisi Krishtianu Ronaldu bilan xayrlashdi.
Xo‘sh, ispaniyalik mutaxassis Xulen Lopetegi jamoaning funksional tayyorgarligidan qoniqyaptimi? U «Real»ning mavsumoldi yig‘inlari arafasidagi ilk matbuot anjumanida asosan shu haqda gapirdi.
AMALGA OSHIRILGAN ISHLARGA BAHO
- Kuchli g‘ayrat bilan olib borilgan mashg‘ulotlar mavsum davomida ulkan g‘alabalarni nishonlashimizga umid uyg‘otadi. Ayni holatda bajarilgan ishlar ko‘lamidan mamnunman. Muhimi, jarohatlar masalasida muammoga duch kelmadik, ortda qolgan 20ta mashg‘ulotdan keyin maqsadga ancha yaqinlashdik.
RONALDUNING KETISHI VABEYLNING ROLI
- Ronaldu tarkibdagi eng muhim o‘yinchilardan biri sifatida «Real» tarixida yorqin iz qoldirdi. Klub barcha xizmatlarini munosib qadrlab, uni mamnuniyat bilan kuzatib qo‘ydi.
Beylga kelsak, uni oldinda ajoyib mavsum kutayotganiga ishonamiz. Hozirda Garetning yanada yaxshiroq o‘ynashi yo‘lida birgalikda izchil ishlamoqdamiz.
QO‘SHIMCHA ISHTIYOQ, AJOYIB CHORLOV
- «Real» boshqaruvini qo‘lga olganimda, Ronaldu klub ixtiyorida edi. Lekin tez orada ketish niyatini bildirdi. Bu holat shaxsan men uchun qo‘shimcha ishtiyoq vazifasini o‘taydi. Chunonchi, Ronaldusiz «Real»ni raqobatbardosh jamoaga aylantirish - murabbiy uchun ajoyib chorlov.
TARKIBNI KUCHAYTIRISH MASALASI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
