O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.
Mazkur so‘rovnomada PEPSI Superliganing 12 ta klubi bosh murabbiylari va sardorlari ishtirok etadi. Muxlislar ovozi esa bundan buyon PFL rasmiy saytida bo‘ladigan so‘rovnoma orqali qabul qilinadi.
Ortda qolgan avgust oyida 3 ta tur uchrashuvlari bo‘lib o‘tdi. O‘tkazilgan 20-21-22-turlar davomida bir qator futbolchilar raqib darvozasini chiroyli tarzda ishg‘ol etib, muxlis-u mutaxassislar olqishlariga sazovor bo‘lishdi.
Ayniqsa, Javohir Siddiqov, Sanjar Shoahmedov, San’at Shixov, Bobur Yo‘ldoshev, Islom Isoqjonov, Sherzod Hakimov hamda Zohir Pirimov tomonidan kiritilgan gollar anchagina jozibador ko‘rinish oldi. Endi mazkur nomzodlar ichidan oyning eng chiroyli goli muallifi tanlab olinadi.
Qayd etish joizki, San’at Shixov (mart) hamda Sherzod Hakimov (iyul) tomonidan urilgan gollar oldin ham oyning eng chiroyli goli bo‘lish uchun da’vogarlar safidan joy olgan edi.
Avgust oyining eng chiroyli goli uchun nomzodlar:
|
Nomzod |
Klub |
Qaysi o‘yinda? |
|
Javohir Siddiqov |
Qo‘qon-1912 |
“Bunyodkor” – Qo‘qon-1912 |
|
Sanjar Shoahmedov |
Lokomotiv |
“Buxoro” – “Lokomotiv” |
|
San’at Shixov |
Buxoro |
“Buxoro” – “Metallurg” |
|
Bobur Yo‘ldoshev |
Neftchi |
“Lokomotiv” – “Neftchi” |
|
Islom Isoqjonov |
Metallurg |
“Buxoro” – “Metallurg” |
|
Sherzod Hakimov |
Neftchi |
“Neftchi” – “Navbahor” |
|
Zohir Pirimov |
AGMK |
“So‘g‘diyona” – AGMK |
Avgust oyining eng yaxshi goliga da’vogarlik qilayotgan gollarni O‘zPFLning Feysbukdagi sahifasida tanishib, ularga O‘zPFLning rasmiy saytida ovoz berishingiz mumkin.
