"Yuventus" hujumchisi Paulo Dibala yana boshlang‘ich tarkibdan chetda qoladigan bo‘lib turibdi, deya xabar beradi Mediaset.
Bosh murabbiy Massimiliano Allegri 16 sentyabr kuni "Sassuolo" bilan o‘yinga boshlang‘ich tarkibni aniqlab bo‘lgan. Hujumda Federiko Bernardeski, Mario Manjukich va Krishtianu Ronaldu harakat qiladi.
Avvalroq, Dibalaning agentlari mijozlarining amoadagi holatidan norozi bo‘lgan edilar. Futbolchining o‘zi asosiy tarkib uchun kurashga tayyorligini aytgan.