“O‘zbekiston” sport saroyi maydonida o‘tkazilayotgan musobaqaning 3-o‘rin uchun hamda final bahslari bo‘lib o‘tdi. Musobaqaning bronza medallari “New life insurance” jamoasiga nasib etdi.
Finalda Toshkent iqtisodiyot universiteti hamda “Gross insurance” jamoalari to‘p surishdi. Murosasiz kechgan bahs “Gross insurance” jamoasining g‘alabasi bilan nihoyasiga yetdi. Final bahsidan so‘ng musobaqaning taqdirlash va tantanali yopilish marosimlari bo‘lib o‘tdi.
Taqdirlash marosimida FIFA referisi Ravshan Ermatov ishtirok etdi. Ishtirokchi jamoalarga tashkilotchilar tomonidan esdalik sovg‘alari hamda diplom taqdim qilindi.
