Bugun 14 sentyabr, "Bunyodkor" yoshlar jamoasi katta murabbiyi Shuhrat Maqsudovning tug‘ilgan kuni.

1994 yilgi Osiyo o‘yinlari g‘olibi, O‘zbekiston chempioni, O‘zbekiston kubogi sohibi, 5 karra O‘zbekiston vise-chempioni, 3 karra O‘zbekiston kubogi finalchisi, Gennadiy Krasniskiy nomidagi to‘purarlar klubi a’zosi (123ta gol), "Shuhrat" medali sohibi bugun 48 yoshga qadam qo‘ydi.
Shu munosabat bilan bugun Yoshlar ligasining 23-turidan o‘rin olgan "Buxoro"ga qarshi o‘yindan so‘ng klub bosh direktori Murod Aliyev, jamoa murabbiylar shtabi a’zolari va "Bunyodkor" yoshlar jamoasi a’zolari kiyiim almashtirish xonasida Shuhrat Maqsudovni tabriklashdi.

Jamoa nomidan so‘z olgan klub bosh direktori Murod Aliyev Shuhrat Maqsudovni tug‘ilgan kuni bilan tabriklab quyidagi so‘zlarni aytib o‘tdi: "Sizning nafaqat "Bunyodkor" klubiga balki o‘zbek futboliga qilgan va qilayotgan xizmatlaringiz beqiyos. Sizning ushbu xizmatlaringizni qadrlaymiz va asosiy jamoamizga iqtidorli yoshlarni yetkazib berishdek sharafli ishingizda muvaffaqiyatlar tilaymiz.

Bugungi tavallud ayyomingiz bilan chin dildan tabriklayman, oilaviy tinchlik, sihat salomatlik tilayman. Farzandlarinngiz rohatini ko‘rib yuring. Bugun ataylab kunbo‘yi tabriklamadim, shogirdlaringizning bugungi o‘yinda g‘alaba qozonib tug‘ilgan kuningizga sovg‘a qilishini kutdim va ular bilan birgalikdayaxshi niyatlarda tabriklashni istadim. Yana bir bor tug‘ilgan kuningiz bilan tabriklayman!"