Kecha Italiya chempionatining 5-turiga yakun yasaldi. Ronaldudan yana gol, Spaletti chetlatildi. “Roma” hamon o‘ziga kelolmayapti yoxud Italiyada tur voqealari.
“Frozinone” – “Yuventus” 0:2.
Ushbu turda Krishtianu Ronaldu yetakchiligidagi “Yuventus” “Frozinone” maydoniga safar uyushtirdi. Massimiliano shogirdlari uchrashuvni ancha hujumkor boshlashdi biroq jamoa ikkinchi bo‘lim ohirlarida gol urishga erishdi. Bernardeskining maydonga tushishi “zebralar” uchun omadli keldi. Dastlab Ronaldu, so‘ngra Bernardeski o‘z nomini tabloga yozdirib qo‘ydi. Mazkur turdan so‘ng jamoa 15 ochko jamg‘argan holda musobaqa peshqadami bo‘lib turibdi. “Yuventus” keyingi turda o‘zida “Bolonya”ni sinovdan o‘tkazadi.
“Bolonya” – “Roma” 2:0.
“Bolonya” Turinga yaxshi kayfiyatda yo‘l oladigan bo‘ldi. Jamoa bu turda omadsiliklar girdobida qolgan “Roma”ni mag‘lub etdi. “Bo‘rilar” chempionlar ligasidagi mag‘lubiyatdan so‘ng o‘zlariga kelib ulgurmagan ko‘rinadi.
“Milan” – “Atalanta” 2:2.
“Milan” futbolchilari Guttuzoning g‘azabini qo‘zg‘otishda davom etadi. Jamoa bu turda yutayotgan joyida g‘alabani qoldan chiqardi. Iguain va Bonaventuraning gollari jamoaning g‘alabasini taminlamadi. Ushbu turdan so‘ng Gattuzo shogirdlari 5 ochko bilan musobaqaning 12-o‘rnida bormoqda.
“Torino” – “Napoli” 1:3.
Anchelotti jamoasi bu turda safarda turinliklarni mag‘lub etdi. Jamoa safarda o‘ynashiga qaramay raqiblar darvozasiga 3 ta gol urishga erishdi. Mazkur uchrashuvda Anchelotti jamoani yangi shemada (4-4-2) o‘ynatishga qaror qildi. Bosh murabbiyning fikricha bu shema “Napoli” uchun mos tushdi.
“Lasio” – “Jenoa” 4:1.
“Burgutlar” bu turda yirik g‘alabaga erishdi. Jamoa yetakchilari Milinkovich- Savich va Chiro Immobilening gollari jamoasiga muhim ochkolarni olib keldi.
“Sampdoriya” – “Inter” 0:1.
Chempionlar ligasidagi “Tottenxem” ustidan qozonilgan g‘alabadan ruhlangan Spaletti shogirdlari bu turda safarda “Sampdoriya” ustidan minimal hisobda g‘alaba qozondi. Ushbu uchrashuvda “Inter” yirikroq hisobda g‘alaba qozonishi mumkin edi, biroq VAR ularning 2 ta golini inobatga olmadi. Shuningdek, hakam “Inter” bosh murabbiyi Luchano Spalettini ham maydondan chetlatdi.
Shuningdek, bu turda “Sassuolo” “Empoli”ni, “Fiorentina” “Spal”ni mag‘lub etgan bo‘lsa, “Udineze” safarda “Kyevo”da ustun keldi.
5-turning barcha uchrashuvlr natijalari:
Italiya chempionati 5-turdan so‘ng turnir jadvali:
Italiya chempionati 5-turdan keyin to‘purarlar ro‘yxati:
Jaloliddin Qobiljonov
