Fransiya futbol federasiyasining apellyasion qo‘mitasi "PSJ" hujumchisi Kilian Mbappening uch o‘yinlik diskvalifikasiyasini o‘z kuchida qoldirdi.
19 yoshli futbolchi "Nim"ga qarshi o‘yinda (4:2) raqibi Tey Savanyeni turtgani uchun 3 o‘yinga chetlashtirilgan edi. Savanye 5 o‘yinga diskvalifikasiya qilingan.
Shundan so‘ng Savanyening yuristlari Mbappeni ham 5 o‘yinga diskvalifikasiya qilinishi talab qilgan edilar.
Mbappe "Sent-Etyen" va "Renn"ga qarshi o‘yinlarni o‘tkazib yubordi va 26 sentyabr kuni "Reyms"ga qarshi o‘yinda ham o‘ynamaydi.
Mbappe Fransiya chempionatining ushbu mavsumida 3 o‘yinda 4 gol urib, 2 golga to‘p oshirdi.
