Франция футбол федерациясининг апелляцион қўмитаси "ПСЖ" ҳужумчиси Килиан Мбаппенинг уч ўйинлик дисквалификациясини ўз кучида қолдирди.
19 ёшли футболчи "Ним"га қарши ўйинда (4:2) рақиби Тей Саваньени туртгани учун 3 ўйинга четлаштирилган эди. Саванье 5 ўйинга дисквалификация қилинган.
Шундан сўнг Саваньенинг юристлари Мбаппени ҳам 5 ўйинга дисквалификация қилиниши талаб қилган эдилар.
Мбаппе "Сент-Этьен" ва "Ренн"га қарши ўйинларни ўтказиб юборди ва 26 сентябрь куни "Реймс"га қарши ўйинда ҳам ўйнамайди.
Мбаппе Франция чемпионатининг ушбу мавсумида 3 ўйинда 4 гол уриб, 2 голга тўп оширди.
