Bugun Namangan shahridagi “Markaziy” o‘yingohning anjumanlar zalida yig‘ilish o‘tkazildi. Yig‘ilishda tashkiliy masala ko‘rildi.

Unga ko‘ra, bungacha “Navbahor” PFK Marketing bo‘limi menejeri lavozimida faoliyat yuritgan Rasuljon Rahimovich Akramov “Navbahor” PFK direktori vazifasini bajaruvchi etib tayinlandi.

Bungacha mazkur lavozimni egallab turgan Ilhomjon Mirzaboyev esa klub direktorining birinchi o‘rinbosari lavozimini egalladi.

Shamshod Ergashovich yangi rahbar Rasuljon Akramovga kelgusida ishlarida omad yor bo‘lishini tiladi.

O‘z o‘rnida “Navbahor” PFK direktori v.b. Rasuljon Akramov bildirilgan ishonch uchun minnatdorchilik bildirib, klub ravnaqi yo‘lida qo‘lidan kelganicha mehnat qilishini ta’kidladi.

“Navbahor” PFK matbuot xizmati.