“Liverpul” klubi bosh murabbiyi Yurgen Klopp Angliya liga kubogida “Chelsi”ga qarshi o‘yinda jamoa tarkibi haqida berilgan savolga quyidagicha javob berdi.

“Men faqat darvozabonni almashtirishim mumkin. O‘yinni Simon Minyole boshlaydi. Qolgan futbolchilar haqida bilmoqchi bo‘lsangiz ertagacha kutishingizga to‘g‘ri keladi.

Bilasizmi, ertaga ajoyib tarkibda maydonga tushamiz, gapimga ishonavering! Minyole Alisson jamoaga kelganiga yaxshi munosabat bildirdi. Simon boshqa jamoaga ketishi va u yerda birinchi raqamli posbon bo‘lishi mumkin edi, ammo bunday bo‘lmadi.

Hali-hamon uning xulqi o‘zgarmagan. U mashg‘ulotlarda faol ishtirok etyapti, barchasi yaxshi. Minyole maydonga tushishga loyiq, men esa unga imkoniyat berganimdan xursandman”, – deydi Klopp.

Ma’lumot o‘rnida, “Liverpul” – “Chelsi” o‘yini ertaga, 26 sentyabr kuni bo‘lib o‘tadi.