"Milan" yarimhimoyachisi Suso jamoa bosh murabbiyi Jennaro Gattuzoni himoya qildi.
"Murabbiy bilan hamfikrman. "Milan"da ajoyib jamoa bor, ammo bizda jamoaviy ruh yo‘q. "Empoli"ga qarshi o‘yinda bo‘lganidek, hisobda oldinda borsak, bir-birimizga yaqinroq bo‘lishimiz kerak. Biz hali yosh jamoamiz, biz o‘sishimiz kerak. Iloji boricha tezroq. Gattuzo hech narsada aybdor emas.
Aynan futbolchilar diqqatlarini bir joyga jamlashlari kerak. Biz qo‘rqmasligimiz kerak. Bu mavsum yakunlariga ko‘ra, chempionlar ligasidan joy olishimiz mumkin, ammo kerakli ochkolarni yig‘ishimiz kerak. "Yuventus", "Inter" yoki "Roma" bilan durang o‘ynasak - bu normal. Ammo pastroq saviyadagi jamoalarni yutishimiz kerak", - deydi Suso.