"Милан" яримҳимоячиси Сусо жамоа бош мураббийи Женнаро Гаттузони ҳимоя қилди.

"Мураббий билан ҳамфикрман. "Милан"да ажойиб жамоа бор, аммо бизда жамоавий руҳ йўқ. "Эмполи"га қарши ўйинда бўлганидек, ҳисобда олдинда борсак, бир-биримизга яқинроқ бўлишимиз керак. Биз ҳали ёш жамоамиз, биз ўсишимиз керак. Иложи борича тезроқ. Гаттузо ҳеч нарсада айбдор эмас.

Айнан футболчилар диққатларини бир жойга жамлашлари керак. Биз қўрқмаслигимиз керак. Бу мавсум якунларига кўра, чемпионлар лигасидан жой олишимиз мумкин, аммо керакли очколарни йиғишимиз керак. "Ювентус", "Интер" ёки "Рома" билан дуранг ўйнасак - бу нормал. Аммо пастроқ савиядаги жамоаларни ютишимиз керак", - дейди Сусо.