Fransiya chempionati 8-turidan o‘rin olgan “Nissa” va PSJ uchrashuvi nihoyasiga yetdi. Mazkur bahs mehmonlarning yirik g‘alabasi bilan yakunlandi.

Uchrashuvning 22-daqiqasida PSJ hujumchisi Mussa Diabining pasidan keyin Neymar hisobni ochdi. Ikkinchi bo‘lib boshida esa yarim himoyachi Kristofer Nkunku oradagi farqni ikkitaga yetkazib qo‘ydi. Yana o‘sha Neymar asosiy vaqtga qo‘shib berilgan 2-daqiqada yakuniy nuqtani qo‘yib 3:0 hisobini ta’minladi.

Tomas Tuxel jamoasi ushbu mavsum Fransiya chempionatida ochko yo‘qotmay kelmoqda. Parijliklar keyingi turda o‘z maydonida "Lion" futbolchilarini qabul qiladi.

Nissa – PSJ 0:3 (0:1, 0:2)

Gollar: 0:1 – 22 Neymar, 0:2 – 46 Nkunku, 0:3 – 90 Neymar.

Nissa – Benites, Erey, Sarr, Koli (Balotelli, 46), Dante, Sen-Maksimen, Makengo (Sipryen, 28), Tamez, Le-Melu, Attal, Maolida (Srarfi, 80).

PSJ – Areolya, Tiago Silva, Kimpembe, Kerer, Markinyos, Di Mariya (Verratti, 72), Nkunku (Bernat, 57), Rabyo, Diabi (SHupo-Moting, 72), Mbappe, Neymar.

Ogohlantirishlar: Sipryen (45), Dante (55), Mbappe (67), Bernat (87).

Chetlatish: Sipryen (59).