Франция чемпионати 8-туридан ўрин олган “Ницца” ва ПСЖ учрашуви ниҳоясига етди. Мазкур баҳс меҳмонларнинг йирик ғалабаси билан якунланди.

Учрашувнинг 22-дақиқасида ПСЖ ҳужумчиси Мусса Диабининг пасидан кейин Неймар ҳисобни очди. Иккинчи бўлиб бошида эса ярим ҳимоячи Кристофер Нкунку орадаги фарқни иккитага етказиб қўйди. Яна ўша Неймар асосий вақтга қўшиб берилган 2-дақиқада якуний нуқтани қўйиб 3:0 ҳисобини таъминлади.

Томас Тухель жамоаси ушбу мавсум Франция чемпионатида очко йўқотмай келмоқда. Парижликлар кейинги турда ўз майдонида "Лион" футболчиларини қабул қилади.

Ницца – ПСЖ 0:3 (0:1, 0:2)

Голлар: 0:1 – 22 Неймар, 0:2 – 46 Нкунку, 0:3 – 90 Неймар.

Ницца – Бенитес, Эрей, Сарр, Коли (Балотелли, 46), Данте, Сен-Максимен, Макенго (Сипрьен, 28), Тамез, Ле-Мелу, Атталь, Маолида (Срарфи, 80).

ПСЖ – Ареоля, Тиаго Силва, Кимпембе, Керер, Маркиньос, Ди Мария (Верратти, 72), Нкунку (Бернат, 57), Рабьо, Диаби (Шупо-Мотинг, 72), Мбаппе, Неймар.

Огоҳлантиришлар: Сипрьен (45), Данте (55), Мбаппе (67), Бернат (87).

Четлатиш: Сипрьен (59).