Otabek G‘ulomxo‘jayev murabbiyligidagi O‘zbekiston U-17 terma jamoasi oktyabr oyida Ispaniyaning Malaga shahrida o‘tkaziladigan xalqaro musobaqa oldidan Toshkentda yig‘inga kirishgani haqida xabar bergan edik. 
 
3 oktyabr kuni safar oldidan terma jamoamiz “Chig‘atoy” sport bazasida yig‘inga kirishgan edi. 3 oktyabrdan 7 oktyabrgacha davom etadigan yig‘in doirasida O‘zbekiston U-17 terma jamoasi “Lokomotiv” klubining o‘rinbosarlariga qarshi nazorat o‘yini o‘tkazadi. Ushbu o‘yin bugun 5 oktyabr kuni “O‘zbekiston temir yo‘llari” sport stadionida bo‘lib o‘tadi. 
 
Malagada bo‘lib o‘tadigan musobaqada O‘zbekiston U-17 terma jamoasi 3 ta bahsda maydonga tushadi. 10 oktyabr kuni birinchi bahsda vakillarimizga Fransiya U-18 terma jamoasi raqiblik qilsa, 13 oktyabr kuni Belgiyaga qarshi bahs olib boriladi. Musobaqadagi so‘nggi o‘yin 15 oktyabr kuni Shotlandiya U-18 terma jamoasiga qarshi bo‘lib o‘tadi.
 
Otabek G‘ulomxo‘jayev murabbiyligidagi O‘zbekiston U-17 terma jamoasining mashg‘ulotlaridan fotolavhalar: