Отабек Ғуломхўжаев мураббийлигидаги Ўзбекистон U-17 терма жамоаси октябрь ойида Испаниянинг Малага шаҳрида ўтказиладиган халқаро мусобақа олдидан Тошкентда йиғинга киришгани ҳақида хабар берган эдик.
3 октябрь куни сафар олдидан терма жамоамиз “Чиғатой” спорт базасида йиғинга киришган эди. 3 октябрдан 7 октябргача давом этадиган йиғин доирасида Ўзбекистон U-17 терма жамоаси “Локомотив” клубининг ўринбосарларига қарши назорат ўйини ўтказади. Ушбу ўйин бугун 5 октябрь куни “Ўзбекистон темир йўллари” спорт стадионида бўлиб ўтади.
Малагада бўлиб ўтадиган мусобақада Ўзбекистон U-17 терма жамоаси 3 та баҳсда майдонга тушади. 10 октябрь куни биринчи баҳсда вакилларимизга Франция U-18 терма жамоаси рақиблик қилса, 13 октябрь куни Белгияга қарши баҳс олиб борилади. Мусобақадаги сўнгги ўйин 15 октябрь куни Шотландия U-18 терма жамоасига қарши бўлиб ўтади.
Отабек Ғуломхўжаев мураббийлигидаги Ўзбекистон U-17 терма жамоасининг машғулотларидан фотолавҳалар:
