Har bir Olimpiada bu yangi tarix, yangi raqamlar va yangi faktlar demakdir. Bugun III yozgi o‘smirlar Olimpiya o‘yinlari haqidagi qiziqarli ma’lumotlarni e’tiboringizga havola etamiz.
-Ushbu Olimpiya o‘yinlari davomida ilk marotaba Xalqaro olimpiya qo‘mitasi tomonidan xalqaro forum tashkil qilindi.
-Musobaqalarda 206 mamlakatdan 3926 nafar sportchi ishtirok etadi.
-32 sport turida medallar o‘ynaladi.
-Ilk marotaba o‘smirlar Olimpiadasida o‘g‘il bolalar va qizlar sonida mutanosiblik yuzaga kelgan (1963 nafardan).
-O‘yinlar dasturiga breyk-dans, karate, cho‘qqiga chiqish, rolikli sport, sohil gandboli va futzal ilk marotaba kiritildi.
O‘zbekiston sport delegasiyasi haqida
-Musobaqada O‘zbekiston sharafini 37 nafar sportchi himoya qilmoqda. Qayd etish lozimki, bu mamlakatimiz uchun o‘smirlar Olimpiadasidagi rekord hisoblanadi. 2010 yili Singapurda sportchilarimiz 21 ta lisenziyaga ega chiqqan bo‘lsalar, 2014 yilgi Nankin Olimpiadasida O‘zbekiston sharafini 28 nafar sportchi himoya qilgan.
-Sportchilarimiz 16 sport turida bahslarda ishtirok etishadi
-O‘zbekiston terma jamoasining eng yosh sportchisi Indira O‘lmasova (sport gimnastikasi) hisoblanadi. Ayni paytda u 14 yoshda.
