O‘zbekiston futbol assosiasiyasi tomonidan 5 ta yosh toifasidagi futbolchilar o‘rtasidagi O‘zbekiston chempionati o‘tkazilayotganidan futbol ixlosmandlarining xabarlari bor. Musobaqa o‘zining qizg‘in pallasiga kirib bormoqda. O‘FA maydonida o‘tkazilayotgan musobaqaning 3-bosqich 2-tur o‘yinlari ham qiziqarli kechib, unda quyidagi natijalar qayd etildi:
 
Samarqand – Jizzax 2:0
Toshkent shahri – Toshkent viloyati 6:0
Buxoro – Xorazm 2:0
Farg‘ona – Namangan 1:3

Eslatib o‘tamiz, 3-bosqichda 2004 yilda tug‘ilgan futbolchilar ishtirok etishmoqda.

Musobaqa o‘yinlarini bir qator jamoalardan tashrif buyurgan murabbiylar, xususan O‘zbekiston o‘smirlar terma jamoasi bosh murabbiyi Azamat Abduraimov kuzatib bormoqda. Musobaqada muvaffaqiyatli ishtirok etib, o‘zini ijobiy tomondan namoyish eta olgan futbolchilarni o‘smirlar terma jamoasiga chaqirish rejalashtirilgan.
 
Musobaqaning keyingi bosqichlari, 2003 yilda tug‘ilgan bolalar o‘rtasida 20-25 oktyabr, 2005 yilda tug‘ilgan bolalar o‘rtasida esa 5-10 noyabr kunlari bo‘lib o‘tadi.