"Chelsi" yarim himoyachisi Sesk Fabregas Ispaniya chempionatiga qaytishi mumkin. 31 yoshli futbolchiga Madridning "Atletiko" klubi qiziqish bildirmoqda.
Mirror nashri tarqatgan xabarga ko‘ra, Fabregas "Chelsi" bilan shartnomani uzaytirmasa, "matraschilar" uni kelasi yilning yozida erkin agent sifatida o‘z saflariga qo‘shib olishlari mumkin. Avvalroq futbolchi faoliyatini Londonda davom ettirishga qarshi emasligini, ammo hozircha "Chelsi" unga yangi shartnoma taklif qilishmaganini ta’kidlagandi.
Sesk 2014 yildan beri "Chelsi" sharafini himoya qilib kelmoqda. Fabregas "Barselona" klubi tarbiyalanuvchisi hisoblanadi. U 2011-2014 yillarda "ko‘k-anorranglilar" safida o‘ynagan.
Ispaniyalik futbolchi Angliya premyer-ligasining ushbu mavsumida hali maydonga tushmadi. U Angliya liga kubogi va Yevropa ligasi doirasida jami 3ta o‘yinda ishtirok etdi.