"Челси" ярим ҳимоячиси Сеск Фабрегас Испания чемпионатига қайтиши мумкин. 31 ёшли футболчига Мадриднинг "Атлетико" клуби қизиқиш билдирмоқда.
Mirror нашри тарқатган хабарга кўра, Фабрегас "Челси" билан шартномани узайтирмаса, "матрасчилар" уни келаси йилнинг ёзида эркин агент сифатида ўз сафларига қўшиб олишлари мумкин. Аввалроқ футболчи фаолиятини Лондонда давом эттиришга қарши эмаслигини, аммо ҳозирча "Челси" унга янги шартнома таклиф қилишмаганини таъкидлаганди.
Сеск 2014 йилдан бери "Челси" шарафини ҳимоя қилиб келмоқда. Фабрегас "Барселона" клуби тарбияланувчиси ҳисобланади. У 2011-2014 йилларда "кўк-анорранглилар" сафида ўйнаган.
Испаниялик футболчи Англия премьер-лигасининг ушбу мавсумида ҳали майдонга тушмади. У Англия лига кубоги ва Европа лигаси доирасида жами 3та ўйинда иштирок этди.