Kecha start olgan Ispaniya chempionatining 9-tur o‘yinlari bugun davom ettiriladi. Muxlislarni bir qator qiziqarli uchrashuvlar kutib turibdi.

Bugungi dasturni “Real” ishtirokidagi o‘yin ochib beradi. Madridliklar “Santyago Bernadeu”da “Levante” bilan kuch sinashadilar. Ketma-ket to‘rt o‘yindan beri g‘alaba nimaligini bilmay kelayotgan qaymoqranglilar bor alamlarini bugungi o‘yindan olishlari kutilmoqda.

Agar bu o‘yinda ham “Real”ning omadi kelmasa, u holda katta ehtimol bilan Xulen Lopetegiga chiqish eshiklari ko‘rsatilishi mumkin.

Biroq shunday bo‘lsada bugungi bahsa “Qirollik klubi” yaqqol favorit sifatida qayd etilmoqda, chunki jarohatdagi yetakchilar jamoa safiga qaytishgan. Isko, Marselo va Garet Beyl bugungi o‘yinda ishtirok eta oladilar.

Omadsiz startdan so‘ng ancha o‘ziga kelib olgan “Valensiya” bugun turnir autsayderlaridan biri “Leganes”ga qarshi o‘yin o‘tkazadi. O‘tgan turda “Barsa”dan ochko tortib olgan jamoa bugun u qadar qiyinchilikka uchramasa kerak.

Yana bir muhim o‘yin ham Valensiyada bo‘lib o‘tadi. Unda “Vilyarreal” “El-Madrigal”da “Atletiko”ni mehmon qiladi. So‘ngi turlarda ketma-ket g‘alaba qayd etayotgan Diyego Simeone shogirdlariga oson bo‘lmasligi aniq.

Turning markaziy o‘yinida Kataloniya va Andalusiya poytaxtlari jamoalari o‘zaro to‘qnash keladilar. Turnir peshqadami “Sevilya” “Kamp Nou”da “Barselona”ga qarshi saf tortadi.

“Sevilya”ning so‘nggi o‘yinlardagi sermaxsulligidan barchaning xabari bor. Bir nechta himoyachilaridan ayrilgan kataloniyaliklarlarga juda qiyin bo‘lishi tayin.

Ernesto Valverde qo‘l ostida faqat ikkita markaziy himoyachi qolgan, bular: oxirgi payt eng ko‘p “qovun tushirayotgan” Xerard Pike va yangi jamoaga moslashish jarayonini o‘tayotgan Kleman Langle. Aytgancha, Langle bugun sobiq jamoasiga qarshi o‘ynaydi.

“Sevilya”da esa ayni damda ko‘tarinki kayfiyat hukmron. Jamoa oxirgi oltita o‘yinda 20ta gol urishga erishdi. Xususan ularning uchtasi “Real” darvozasiga urildi. Xullas yarim tunda bo‘lib o‘tadigan o‘yin bu kechaning bezagiga aylanishi turgan