O‘zbekiston superligasining 28-turi doirasida quyi oltilikda 2ta o‘yin bo‘lib o‘tdi va ularning har ikkalasida durang qayd etildi.
Bundan 3 kun avval O‘zbekiston kubogini qo‘lga kiritgan AGMK klubi Farg‘oanada "Neftchi" mehmoni bo‘ldi. Birinchi bo‘limda mezbonlar Sidorovning goli evaziga hisobni ochishgandi. Biroq o‘yin yakunlanishiga 7 daqiqa qolganida Vladimir Bubanya muvozanatni tiklashga muvaffaq bo‘ldi.
Shu tariqa, AGMK 23 ochko bilan bu guruhda 3-o‘rinda borayotgan bo‘lsa, "Neftchi" 17 ochko bilan xavfli hududda qolishda davom etmoqda.
"Qizilqum" va "So‘g‘diyona" jamoalari o‘rtasidagi o‘yinda esa jangovor durang qayd etildi. Navoiyliklar safida Artur Gevorkyan "dubl"ni rasmiylashtirgan bo‘lsa, jizzaxliklar ikki marta muvozanatni tiklashga muvaffaq bo‘lishdi. Ayniqsa, so‘nggi daqiqada kiritilgan gol "So‘g‘diyona"ga muhim bo‘lgan 1 ochkoni taqdim etdi.
O‘zbekiston superligasi, 28-tur
"NEFTCHI" - AGMK 1:1
Gollar: Andrey Sidorov (14) — Vladimir Bubanya (83)
"QIZILQUM" - "SO‘G‘DIYONA" 2:2
Gollar: Artur Gevorkyan (23, 83) — Oybek Nurmatov (31), Sernas Davidas (90)
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Lokomotiv | 16 | 11 | 3 | 2 | 25-13 | 36 |
| 2 | Paxtakor | 15 | 8 | 3 | 4 | 24-11 | 27 |
| 3 | Navbahor | 15 | 7 | 3 | 5 | 17-13 | 24 |
| 4 | Bunyodkor | 15 | 6 | 2 | 7 | 21-19 | 20 |
| 5 | Metallurg | 16 | 3 | 4 | 9 | 9-25 | 13 |
| 6 | Buxoro | 15 | 3 | 1 | 11 | 11-26 | 10 |
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Qizilqum | 16 | 8 | 3 | 5 | 22-20 | 27 |
| 2 | Nasaf | 15 | 7 | 5 | 3 | 18-11 | 26 |
| 3 | AGMK | 16 | 6 | 5 | 5 | 19-17 | 23 |
| 4 | Qo‘qon-1912 | 15 | 4 | 5 | 6 | 13-11 | 17 |
| 5 | So‘g‘diyona | 16 | 4 | 5 | 7 | 16-22 | 17 |
| 6 | Neftchi | 16 | 4 | 5 | 7 | 13-20 | 17 |
