Italiya chempionatining 1-turi doirasida qoldirilgan o‘yin bo‘lib o‘tdi. «Milan» o‘z maydonida «Jenoa»ni qabul qilib, qiyin g‘alabani qo‘lga kiritdi.

Uchrashuvning 4-daqiqasidayoq Suso hisobni ochishga muvaffaq bo‘lgan bo‘lsa, ikkinchi bo‘limda Romanyoli tomonidan urilgan avtogol tufayli hisob tenglashdi. O‘yinga qo‘shib berilgan daqiqalarda Romanyoli aybini "yuvdi". Uning goli "Milan"ga g‘alaba keltirdi.

Jennaro Gattuzo jamoasi ushbu g‘alabadan keyin o‘z ochkolarini 18taga yetkazib, jadvalda 4-o‘ringa ko‘tarilib oldi.

Italiya A seriyasi. 1-turning qoldirilgan o‘yini
Milan – Jenoa 2:1 (1:0, 1:1)
Gollar: 1:0 – 4 Suso, 1:1 – 56, avtogol Romanyoli, 2:1 – 90 Romanyoli.
Milan – Donnarumma, Musakkyo, Romanyoli, Rodriges, Suso, Kessie, Bakayoko, Laksalt (Abate, 63), Chalxanoglu (Kastilyexo, 83), Iguain, Kutrone.
Jenoa – Radu, Biraski, Gyunter, Krishito, Lazovich, Romulo (Velozu, 67), Massitelli (Omeonga, 78), Bessa, Zukanovich, Kuame, Pentek (Pandev, 85).
Ogohlantirishlar: Krishito (43), Kessie (50), Velozu (80), Rodriges (83).