Италия чемпионатининг 1-тури доирасида қолдирилган ўйин бўлиб ўтди. «Милан» ўз майдонида «Женоа»ни қабул қилиб, қийин ғалабани қўлга киритди.

Учрашувнинг 4-дақиқасидаёқ Сусо ҳисобни очишга муваффақ бўлган бўлса, иккинчи бўлимда Романьоли томонидан урилган автогол туфайли ҳисоб тенглашди. Ўйинга қўшиб берилган дақиқаларда Романьоли айбини "ювди". Унинг голи "Милан"га ғалаба келтирди.

Женнаро Гаттузо жамоаси ушбу ғалабадан кейин ўз очколарини 18тага етказиб, жадвалда 4-ўринга кўтарилиб олди.

Италия А серияси. 1-турнинг қолдирилган ўйини
Милан – Женоа 2:1 (1:0, 1:1)
Голлар: 1:0 – 4 Сусо, 1:1 – 56, автогол Романьоли, 2:1 – 90 Романьоли.
Милан – Доннарумма, Мусаккьо, Романьоли, Родригес, Сусо, Кессиэ, Бакайоко, Лаксальт (Абате, 63), Чалханоглу (Кастильехо, 83), Игуаин, Кутроне.
Женоа – Раду, Бираски, Гюнтер, Кришито, Лазович, Ромуло (Велозу, 67), Маццителли (Омеонга, 78), Бесса, Зуканович, Куаме, Пентек (Пандев, 85).
Огоҳлантиришлар: Кришито (43), Кессиэ (50), Велозу (80), Родригес (83).