«Manchester Siti» bosh murabbiyi Xosep Gvardiola «Barselona» hujumchisi Lionel Messini sotib olishga harakat qilgani haqidagi xabarlarni inkor qildi.

Avvalroq «Siti» 2017 yilda argentinalik futbolchiga 50 million yevro yillik maosh taklif qilgani haqida xabar tarqalgandi.

«Barselona»ni tark etib, «Bavariya»ga yo‘l oldim, shundan so‘ng «Manchester Siti» bilan shartnoma imzoladim. Bu vaqt mobaynida Messidan hech qachon mening jamoamga o‘tishini so‘ramaganman. Bu jamoalar rahbariyatidan hech qachon Leoni sotib olishlarini talab qilmaganman.

Lionel «Barselona» uchun qanchalik muhim o‘yinchi ekanini bilaman. Menga bu futbolchi kerakligini ta’kidlamaganman. Hech qachon. Uning «Barsa»dan qolishini istayman. Buni ming marta aytganman», – dedi Gvardiola.