"Barselona" himoya chizig‘ini "Zenit" himoyachisi Branislav Ivanovich bilan kuchaytirish variantini o‘rganmoqda, deya xabar beradi Mundo Deportivo.

Manbaga ko‘ra, kataloniyaliklar bosh murabbiyi Ernesto Valverde Samuel Umtiti va Tomas Vermalenning jarohatlaridan so‘ng himoyachi izlamoqda. "Zenit" himoyachisi asosiy nomzod bo‘lib turibdi. Bundan tashqari kataloniyaliklar David Luis ("Chelsi") va Loran Koselnini ("Arsenal") ko‘zlayaptilar.

Shuningdek, kengaytirilgan ro‘yxatda Benedikt Xyovedes, Vedran Chorluka ("Lokomotiv"), Mehdi Benatia ("Yuventus"), Raul Albiol ("Napoli"), Pepe, Domagoy Vida (ikkisi - "Beshiktosh"), Dante ("Nissa"), Neven Subotich, Timote Kolodzeychak (ikkisi - "Sent-Etyen"), Odil Rami ("Marsel") va Joze Fonte ("Lill") kabi o‘yinchilar bor.