UYEFA prezidenti Aleksander Cheferin Superliga tashkil qilinishiga yo‘l qo‘ymasligini ta’kidladi.

Avvalroq Yevropaning 11ta top-klubi UYEFA safidan chiqib, 2021 yildan boshlab yangi Chempionlar ligasi musobaqasini tashkil qilishni rejalashtirayotgani haqida xabar tarqalgandi.

«Bunday musobaqani tashkil qilish jahon futboliga salbiy ta’sir ko‘rsatadi. Bu zerikarli ish bo‘ladi. Har hafta «Yuventus»ning «Bavariya»ga qarshi o‘yinini ko‘rish, masalan, «Yuventus» - «Torino» bahsiga nisbatan zerikarli bo‘ladi. Men bu yerda ekanman, bunday musobaqaning tashkil qilinishiga tish-tirnog‘im bilan qarshilik ko‘rsataman. Bunga shubha yo‘q.

Agar yopiq tizim haqida gap ketayotgan bo‘lsa, bunda futbolning rivoji haqida unutsak ham bo‘ladi. Oxir-oqibat bundan klublar yutqazishadi», – dedi Cheferin.